U piatnicu adbudziecca «Vialikaja razmova» z Łukašenkam — adkaz na jakoje pytańnie vy b chacieli pačuć?

Na 1 sakavika zapłanavana «Vialikaja razmova» z Alaksandram Łukašenkam. Jana adbudziecca ŭ vystavačnym centry «Biełekspa» (pobač z Pałacam Niezaležnaści) i pačniecca ŭ 10:30.

Papiaredniaje mierapryjemstva takoha kštałtu z udziełam žurnalistaŭ i ekśpiertaŭ adbyłosia ŭ lutym 2017 hoda. Tady sustreča praciahvałasia 7 hadzin 20 chvilin, ale nivodnamu z pradstaŭnikoŭ niezaležnych ŚMI nie dazvolili zadać pytańnie kiraŭniku krainy.

Pradstaŭnik «Našaj Nivy» zaprošany na sioletniuju «Vialikuju razmovu». Ci budzie mahčymaść zadać pytańnie ciapier? Nieviadoma.

Pres-słužba Nacyjanalnaha pres-centra prapanuje zahadzia adpravić pytańni, maŭlaŭ, kali jany buduć cikavymi, Alaksandr Łukašenka sam adkaža na ich.

Adkaz na jakoje pytańnie vy b chacieli pačuć?

0

0

0

0

0

0