Na vieniesuelska-brazilskaj miažy pačalisia sutyknieńni — zahinuła žančyna

U Vieniesuele na miažy z Brazilijaj u sutyknieńniach ź siłami biaśpieki zahinuła adna žančyna, jašče bolš za dziesiać čałaviek atrymali ranieńni, pieradaje AP.

Pradstaŭniki indziejskaha naroda piemon ustupili ŭ sutyknieńni z Nacyjanalnaj hvardyjaj Vieniesueły i armijaj, jakija pierasoŭvali tanki da miažy z Brazilijaj.

Siłaviki stralali ŭ pratestoŭcaŭ humovymi kulami i ŭžyli ślozatačyvy haz.

U vyniku zahinuła miascovaja pradstaŭnica amierykanskaha naroda piemon. Tuzin čałaviek dastavili ŭ balnicu.

21 lutaha dyktatar Nikałas Madura zahadaŭ zakryć miažu z Brazilijaj praz namiery lidaraŭ apazicyi zavieźci zamiežnuju humanitarnuju dapamohu.

0

0

0

0

0

0