Pientahon prystrašyŭ Rasiju stratehijaj «trajanskaha kania»
Pientahon zaniaŭsia raspracoŭkaj novaj stratehii viadzieńnia bajavych dziejańniaŭ, jakaja praduhledžvaje schavanaje ŭvarvańnie ŭ tył praciŭnika. Pra heta paviedamlaje niamieckaje vydańnie Telepolis sa spasyłkaj na vystup načalnika štaba VPS ZŠA hienierała Devida Hołdfajna.
Vašynhton razhladaje Rasiju i Kitaj u jakaści asnoŭnych dziaržaŭ, suprać jakich moža być vykarystana takaja stratehija. Hetyja krainy, na dumku Hołdfajna, pradstaŭlajuć dla ZŠA najbolšuju pahrozu.
Asnoŭny pryncyp stratehii zaklučajecca ŭ tym, kab tajemna praniknuć na terytoryju praciŭnika adnačasova na sušy, u pavietry i na mory. Płanujecca paźbiehnuć sutyknieńnia z mocnymi bakami abarony praciŭnika i nanieści ŭdar pa słabym. U stratehii buduć zadziejničany ŭsie vidy vojskaŭ, adnak klučavaja rola advodzicca źniščalnikam F-35, jakija stanuć kaardynacyjnym štabam dla nastupu.
«Kali Kitaj, ci Rasija, ci luby inšy praciŭnik kali-niebudź ubačyć F-35 u svajoj pavietranaj prastory, ja b chacieŭ paviedamić tolki dva słovy: «My tut». Majcie na ŭvazie, što F-35 nikoli nie budzie tam adzin», — zajaviŭ Hołdfajn.
Adznačajecca, što na raspracoŭku stratehii spatrebicca kala hoda, a vydatki składuć 135 miljardaŭ dalaraŭ.
Jak piša vydańnie, novaja amierykanskaja stratehija nahadvaje taktyku «trajanskaha kania» i, vierahodna, pavinna aceńvacca jak prapahandysckaje abo strymlivajučaje pasłańnie. Telepolis stavić pad sumnieŭ mahčymaść ažyćciaŭleńnia hetaj stratehii z ulikam najaŭnaści ŭ Maskvy i Piekina sučasnaha ŭzbrajeńnia.
