Kala novaj stancyi mietro pabudujuć samuju vialikuju parkoŭku Biełarusi — na 5000 mašyn
Budaŭniki mietro raskazali pra toje, jak budzie ŭzvodzicca kavałak treciaj linii — ad «Frunzienskaj» da «Łahojskaj».
Adna ź idej — pabudavać hihanckuju stajanku na 5000 aŭtamabilaŭ, na jakoj zmohuć pakidać mašyny tyja, chto pryjazdžaje ŭ Minsk ź viciebskaj trasy.
«Kab abmiežavać patoki aŭtatranspartu, jaki nakiroŭvajecca z poŭnačy stalicy ŭ centr, u rajonie pierasiačeńnia Łahojskaha trakta i MKAD, bližej da handlovaha centra, praduhledžana budaŭnictva parkoŭki na 5 000 miescaŭ. Užo rychtujecca adpaviedny prajekt. Adlehłaść ad jaje da «Łahojskaj» — 700—800 m. U haradskich uładaŭ pry hetym zastajecca zadača zacikavić ludziej, kab im było vyhadna pakidać mašyny na parkoŭcy, a ŭ centr jechać na mietro», — raskazaŭ ahienctvu «Minsk-Naviny» namieśnik hałoŭnaha inžyniera «Minskmietraprajekt» Valeryj Čakanaŭ.
Dla paraŭnańnia, usie stajanki kala aeraporta «Minsk-2» razam źmiaščajuć kala 4500 aŭto.
