Vieniesueła zakryła marskuju i pavietranuju miažu ź Niderłandami, kab nie prapuścić u krainu humanitarnuju dapamohu

Vieniesueła zakryła marskuju miažu z astravami ŭ Karybskim mory, jakija ŭvachodziać u skład Niderłandaŭ. Pra heta abviaściła ŭ sieradu, 20 lutaha, vice-prezident krainy Dełsi Radryhies, paviedamlaje Reuters.

Pavodle jaje słoŭ, miažu zakryli na niavyznačany termin. Heta było zroblena z-za płanaŭ vieniesuelskaj apazicyi dastavić humanitarnuju dapamohu, u tym liku pradstaŭlenuju ZŠA, marskim šlacham. Rašeńnie pryniali paśla taho, jak ułady vostrava Kiurasaa pahadzilisia zachoŭvać hruz na svajoj terytoryi.

Radryhies adznačyła, što historyja z humanitarnaj dapamohaj — «šou, adzinaj metaj jakoha źjaŭlajecca zachop Vieniesueły».

0

0

0

0

0

0