Pareštki 600 čałaviek znajšli na miescy budoŭli ŭ centry Bresta
Pareštki kala 600 viaźniaŭ Bresckaha hieta znajšli na miescy budoŭli ŭ centry horada, paviedamlaje «Viečiernij Briest».
Na rahu vulicy Kujbyšava i praśpiekta Mašerava ŭ Breście, dzie pačałosia budaŭnictva žyłoha kvartała, u studzieni znajšli masavaje pachavańnie časoŭ Vialikaj Ajčynnaj vajny. Viadoma, što na hetaj terytoryi ŭ pieryjad akupacyi raźmiaščałasia Bresckaje hieta.
U Bresckim harvykankamie 20 lutaha adbyłasia sustreča pa pytańniach ekshumacyi i pierapachavańnia pareštkaŭ viaźniaŭ hieta. U joj uziali ŭdzieł kiraŭniki jaŭrejskich supołak Bresta, pradstaŭniki budaŭničaj kampanii i inviestara.
Jak paviedamiła staršy inśpiektar adździeła kultury Bresckaha harvykankama Ała Kondak, ciapier padniali pareštki 600 čałaviek, rasstralanych padčas fašysckaj akupacyi. Pošukavyja raboty praciahvajucca. Kožny dzień bajcy pošukavaha bataljona padymajuć kala saraka pareštkaŭ. Asabistych rečaŭ zahinułych znachodziać zusim mała.
Staršynia Bresckaha harvykankama Alaksandr Rahačuk padkreśliŭ, što raskopki buduć praciahvacca da taho času, pakul usie astanki nie padymuć na pavierchniu.
