Zahadčyca fiermy pryjšła na pracu pjanaj, jaje zvolnili. A jana skrała słužbovuju mašynu i raźbiła jaje

Fota hrodzienskaj milicyi

Zdareńnie adbyłosia ŭ aŭtorak u Iŭjeŭskim rajonie na małočna-tavarnaj fiermie, paviedamlaje abłasnaja milicyja.

39-hadovaja žančyna — pryčym jana pracavała zahadčycaj fiermy — źjaviłasia ŭ niećviarozym vyhladzie na pracoŭnym miescy, za što była nieadkładna zvolniena. Jana aburyłasia rašeńniem i ŭ jakaści niazhody samavolna źjechała z užo byłoj pracy na słužbovaj «Nivie».

Nichto z rabotnikaŭ nie zmoh spynić byłuju načalnicu. Adnak daloka źjechać žančyna nie zmahła, litaralna praz paru kiłamietraŭ aŭtamabil źjechaŭ u kiuviet i pierakuliŭsia.

Kiroŭca traŭmaŭ nie atrymała, a voś mašyna paškodžana davoli mocna. Zaviedziena kryminalnaja sprava pa artykule «Uhon».

0

0

0

0

0

0