U Śvietłahorsku pjanka skončyłasia kradziažom i katavańniami z raspalenym prasam
U pačatku lutaha ŭ Śvietłahorsku piaciora mužčyn raśpivali śpirtnyja napoi na kvatery, jakaja naležyć adnamu ź ich. Zastolle praciahvałasia na praciahu dnia. Kanflikt uźnik niečakana: adzin z sabutelnikaŭ abvinavaciŭ kampańjona ŭ kradziažy hrošaj. Niahledziačy na toje, što 41-hadovy abvinavačany admaŭlaŭ svaju niedakazanuju vinu, jaho vyrašyli pravučyć.
Paśla źbićcia paciarpiełamu daviałosia pryznać, što jon vinavaty. A kab nadalej rabić takoje było niepanadna, 33-hadovy haspadar kvatery raspaliŭ pras i prykłaŭ jaho da žyvata achviary, pakinuŭšy apioki.
Abodva mužčyny nieadnarazova sudzimyja. U paciarpiełaha — zakrytaja čerapna-mazhavaja traŭma, jon znachodzicca ŭ balnicy, stan jaho stabilny.
U dačynieńni da abvinavačanaha raspačataja kryminalnaja sprava pa č.1 st.147 KK Biełarusi. Jamu pahražaje da 8 hadoŭ pazbaŭleńnia voli.
