«Kałašnikaŭ» pakazaŭ zdolny samapadryvacca bieśpiłotnik «Kub» VIDEA
RBK
Kancern «Kałašnikaŭ» (uvachodzić u dziaržkarparacyju «Rostiech») na mižnarodnaj vystavie ŭzbrajeńniaŭ IDEX ŭ Abu-Dabi pakazaŭ svaju navinku — bieśpiłotny latalny aparat KYB, pieradaje RBK.
Jak vynikaje ź videaprezientacyi, bieśpiłotnik sam źjaŭlajecca bojeprypasam — jon vybuchaje, dasiahnuŭšy mety. Na vystavie jon pradstaŭleny ŭ vyhladzie makieta ŭ maštabie 1:2.
Chutkaść palotu BPŁA — 80—130 km za hadzinu. Praciahłaść dziejańnia — 30 chvilin, maksimalnaja nahruzka — 3 kh, paramietry 1210ch950ch165 mm. Vytvorca i raspracoŭščyk — kampanija Zala aero, jakaja ŭvachodzić u kancern.
Pa słovach surazmoŭcy RBK, znajomaha z hetaj raspracoŭkaj, bieśpiłotnik raniej nie demanstravaŭsia, zaŭtra jaho aficyjna pradstavić ministru pramysłovaści i handlu Dzianisu Manturovu kiraŭnik «Rostiech» Siarhiej Čemiezaŭ.
Paźniej navinku prakamientavaŭ Siarhiej Čemiezaŭ. «Zarad na dadzienym kompleksie moža być dastaŭleny da celi pa-za zaležnaści ad jaje ŭtojenaści i reljefu miascovaści — jak na małych, tak i na vialikich vyšyniach. Heta vielmi dakładnaja i maksimalna efiektyŭnaja zbroja, ź jakoj vielmi ciažka zmahacca z dapamohaj tradycyjnych srodkaŭ SPA», — zajaviŭ jon.
RBK
Mižnarodnaja vystava ŭzbrajeńniaŭ i vajskovaj techniki IDEX pačynajučy z 1993 hoda pravodzicca raz na dva hady ŭ Abu-Dabi (AAE). Vystava źjaŭlajecca adnym z samych pradstaŭničych mierapryjemstvaŭ, źviazanych z uzbrajeńniem, u śviecie. Pa vynikach papiaredniaj vystavy IDEX-2017 Uzbrojenyja siły Abjadnanych Arabskich Emirataŭ zaklučyli 90 kantraktaŭ ahulnym koštam 19,17 młrd dyrchamaŭ (5,2 młrd dalaraŭ.).
«Kałašnikaŭ» — najbujniejšy rasijski vytvorca strałkovaj zbroi, śćviardžajecca na aficyjnym sajcie kancerna. Pa tych ža źviestkach, zajmaje 95% usiaho rasijskaha rynka strałkovaj zbroi i 66% — u siehmiencie hramadzianskaj daŭhastvolnaj zbroi. Pradukcyja kancerna pastaŭlajecca bolš jak u 27 krain. Kancern vałodaje 51% adnaho z najbujniejšych vytvorcaŭ bieśpiłotnikaŭ u Rasii — kampanijaj Zala aero.
