Mahiloviec źjechaŭ na paru dzion ź internata, zapłaciŭšy za jaho napierad. U pakoj usio roŭna zasialili ludziej, a tyja skrali jaho rečy

26-hadovy elektramantažnik zajaviŭ u milicyju, što z pakoja ŭ mahiloŭskim internacie ŭ jaho skrali płanšet, mabilny telefon, multymietr. Ahulny košt skradzienaha — 724 rubli, paviedamlaje sb.by.

Jak akazałasia, małady čałaviek na paru dzion pa spravach źjechaŭ ź internata, a sumku z rečami pakinuŭ u pakoi. Za karystańnie pakojem jon zapłaciŭ napierad, ale tudy tym nie mienš zasialili niekalki čałaviek. Torba, jakaja stajała ŭ šafie, pryciahnuła ich uvahu.

32-hadovy raniej nieadnarazova sudzimy za kradziažy mahiloviec vyrašyŭ rasparadzicca čužoj majomaściu pa-svojmu. Rečy z torby jon pradaŭ, a atrymanyja takim čynam hrošy zmarnavaŭ na siabie.

Złodzieja ŭžo zatrymali. Jamu pahražaje pakarańnie až da pazbaŭleńnia voli da troch hadoŭ.

0

0

0

0

0

0