Minzdaroŭja prypyniŭ prodaž lekaŭ ad kašlu — jany mohuć być niebiaśpiečnyja dla serca
Apteki i balnicy Biełarusi pavinny prypynić prodaž i ŭžyvańnie papularnych lekaŭ «Erespał» i inšych preparataŭ, jakija ŭtrymlivajuć fienśpiryd. Raniej paviedamlałasia, što daśledavańni pakazali: leki mohuć być niebiaśpiečnymi dla serca — vyklikać arytmiju, piša Tut.by
Jak adznačajecca ŭ zahadzie Ministerstva achovy zdaroŭja ad 11 lutaha, z prodažu kanfiskoŭvajucca nastupnyja preparaty: «Inśpiron» (sirop i tabletki), «Siresp» (sirop), «Fienśpiryd» (sirop i tabletki), «Erespał» (sirop i tabletki). Ich pryznačali dla lačeńnia kašlu, łarynhitu, branchitu, rynafarynhitu i pry terapii branchijalnaj astmy.
Pa dadzienych Mižnarodnaj niezaležnaj farmaceŭtyčnaj kampanii Servier, prablemy ŭźnikajuć tolki na fonie pryjomu preparata, tamu niebiaśpieki dla tych, chto lačyŭsia «Erespałam» raniej, niama. Tym, chto zaraz prymaje leki, treba źviarnucca da lekara, kab vybrać inšy preparat — u Biełarusi jość alternatyŭnyja leki bieź fienśpirydu.
Zabarona dziejničaje da zaviaršeńnia Ministerstvam achovy zdaroŭja acenki suadnosin karyści i ryzyki lekaŭ. Raniej fienśpiryd-źmiaščalnyja leki pa toj ža pryčynie zabaranili ŭ Francyi.