22-hadovaja minčanka ŭtojvała ad svajho chłopca VIČ. Ciapier raźbirajecca milicyja
Minčanka viedała pra svoj stanoŭčy VIČ-status i pastaviła svajho sužyciela ŭ niebiaśpieku zaražeńnia VIČ, paviedamlaje milicyja.
Chłopiec i dziaŭčyna, jakija raniej pražyvali razam, pravodzili čas u kampanii ahulnych siabroŭ. U hutarcy adna ź siabrovak paviedamiła chłopcu, što jaho kachanaja maje VIČ-infiekcyju. Paśla čaho 28-hadovy minčuk źviarnuŭsia z zajavaj u milicyju.
Apieratyŭniki vyśvietlili, što 22-hadovaja biespracoŭnaja dziaŭčyna pra svaju chvarobu viedała. Raniej jana ŭžyvała narkotyki. Pra zaražeńnie VIČ-infiekcyjaj joj stała viadoma ŭ kancy 2017 hoda, adnak ad sužyciela hetuju infarmacyju taiła i zajmałasia ź im seksam biez kantracepcyi.
Vyśvietlena, što zajaŭnik nie zaraziŭsia VIČ-infiekcyjaj, adnak dziejańni dziaŭčyny zaviedama pastavili jaho ŭ niebiaśpieku zaražeńnia VIČ.
