Francuzskim sabakam zabaranili šmat brachać
Horad Fiekjer z 1500 žycharami stamiŭsia ad sabačaha brechu i mer vypuściŭ municypalny ŭkaz, jaki zabaraniaje sabakam zanadta doŭha brachać. Pra heta paviedamlaje vydańnie Leparisien.
Zhodna z novymi praviłami, uładalniki nie mohuć pakidać svaich žyvioł u zakrytym pamiaškańni biez nahladu — tamu što ŭ takim vypadku niama kamu ich supakoić. U dakumiencie adznačajecca, što ŭładalnik sabaki pavinien u luby čas spynić praciahły abo paŭtorny brech svajoj žyvioły.
Takuju zabaronu vyrašyli ŭvieści z-za sabak, jakija ŭžo šmat hadoŭ «robiać žyćcio miascovych žycharoŭ nievynosnym dzień i noč». «Viadoma, meta nie zabaranić sabak, ale kali my vyrašajem ich mieć, my ich vychoŭvajem», — kaža mer.
Adznačajecca, što štraf za doŭhi brech dasiahaje 68 jeŭra.
U svaju čarhu, baraćbity za pravy žyvioł užo raskrytykavali zabaronu. «Z takim ža pośpiecham možna zabaranić pierazvon carkoŭnych zvanoŭ pa niadzielach. Pašča jość u sabak, kab brachać», — zajaŭlaje adzin z aktyvistaŭ. Abaroncy płanujuć abskardzić zabaronu ŭ sudzie.
