Haradzieniec pamior, ale jašče čatyry hady atrymlivaŭ zarobak
Mužčyna navat paśla śmierci ličyŭsia rabotnikam adnaho z hrodzienskich pradpryjemstvaŭ, piša sb.by.
U Kastryčnicki RAUS Hrodna pastupiła infarmacyja ab tym, što žychar horada, jaki ličyŭsia pamierłym z kastryčnika 2013 hoda, da vosieni 2017-ha pa dakumientach źjaŭlaŭsia rabotnikam adnaho z pradpryjemstvaŭ.
U chodzie pravierki było ŭstanoŭlena, što na pradpryjemstvie dźvie «miortvyja dušy». Jašče adzin čałaviek ciaham siami hadoŭ ličyŭsia rabotnikam firmy, ale nie pracavaŭ tam. Akazałasia, što 60-hadovy dyrektar, žychar Hrodna, aformiŭ ich na pasady «švački-nadomnicy», kab zabirać zarobki sabie.
Ahulnaja suma škody pradpryjemstvu aceńvajecca prykładna ŭ 12 tysiač rubloŭ.
Za dadzienaje złačynstva praduhledžana pakarańnie da 10 hadoŭ turmy z kanfiskacyjaj majomaści, adnak vinavaty tak i zastaniecca biespakaranym — paŭtara hoda tamu jon pamior.
U suviazi z hetym Śledčy kamitet nie pačnie kryminalnuju spravu.
