Ministerstva adukacyi: Miery biaśpieki ŭ škołach buduć uzmocnienyja
Ministerstva adukacyi prapracuje pytańnie pravavoha rehulavańnia mier biaśpieki i prapusknoha režymu ŭ škołach Biełarusi. Pra heta BiełTA paviedamiła pres-sakratarka Ministerstva adukacyi Ludmiła Vysockaja.
«Va ŭsich ustanovach adukacyi Biełarusi buduć uzmocnieny miery biaśpieki i dyscypliny. Sumiesna z zacikaŭlenymi prapracujem pytańnie ab narmatyŭnym rehulavańni mier biaśpieki i prapusknoha režymu ŭ škołach», — skazała Ludmiła Vysockaja.
Asablivaja ŭvaha budzie nadadziena vychavaŭčaj i sacyjalna-psichałahičnaj pracy.
«Va ŭstanovach adukacyi budzie ŭzmocniena rabota školnych psichołahaŭ. Budzie raspracavany ałharytm sumiesnych dziejańniaŭ z baćkami ŭ płanie kantrolu zaniataści padletkaŭ paśla vučoby. Zakonnyja pradstaŭniki nie pavinny ŭchilacca ad vychavańnia. Im varta viedać, čym zajmajucca ŭ volny čas dzieci, dzie jany znachodziacca, što hladziać u internecie, z kim majuć znosiny ŭ sacyjalnych sietkach, treba vybudavać ź imi daviernyja adnosiny», — adznačyła pres-sakratar.