U «Minsktransie» pakul nie mohuć skazać, kali zapuściać apłatu prajezdu pa bankaŭskich kartach
Fota Voli Aficeravaj
BPS-Śbierbank paviedamiŭ, što płanuje ŭkaranić apłatu prajezdu u naziemnym transparcie Minska ŭžo letam 2019 hoda. Adnak u «Minsktransie» zaznačajuć, što pra terminy pakul rana kazać.
Užo nie raz paviedamlałasia, što BPS-Śbierbank płanuje ŭkaranić technałohiju apłaty prajezdu u naziemnym transparcie Minska z dapamohaj bieskantaktavych kartak.
Učora źjaviłasia infarmacyja, što da II Jeŭrapiejskich hulniaŭ u aŭtobusach, tralejbusach i tramvajach Minska možna budzie apłačvać prajezd pa bankaŭskaj karcie. Akramia taho, paabiacali takuju mahčymaść i ŭ Barysavie. Pra heta raspavioŭ staršynia praŭleńnia BPS-Śbierbanka Ihar Mierkułaŭ padčas padpisańnia trochbakovaha miemarandumu z kłubam BATE i Visa.
Adnak, jak udakładnili TUT.BY u «Minsktransie», ab kankretnym času ŭkaranieńnia takoj mahčymaści havorka pakul nie idzie.
- Na dadzieny momant pytańnie prapracoŭvajecca. U suviazi z tym, što zdavalniajučaha techničnaha zadańnia ad raspracoŭščykaŭ takoj sistemy ŭ «Minsktrans» nie pastupała, my nie možam skazać i pra terminy jaje zapusku. Pakul nie vyrašany ŭsie pytańni pa siertyfikacyi abstalavańnia dla bankaŭskaj śfiery, zapuskać apłatu pa bankaŭskaj karcie my nie budziem, - adznačyŭ načalnik pracesinhavaha centra HP «Minsktrans» Michaił Sładzinski.