Tramp i Kim Čen Yn sustrenucca ŭ Chanoi
Druhaja sustreča lideraŭ KNDR i ZŠA projdzie ŭ Chanoi 27-28 lutaha. Pra heta paviedamiŭ u piatnicu amierykanski prezident Donald Tramp ŭ Twitter.
My representatives have just left North Korea after a very productive meeting and an agreed upon time and date for the second Summit with Kim Jong Un. It will take place in Hanoi, Vietnam, on February 27 & 28. I look forward to seeing Chairman Kim & advancing the cause of peace!
«Maje pradstaŭniki tolki što pakinuli Paŭnočnuju Kareju paśla vielmi plonnaj sustrečy i ŭzhadnieńnia času i daty praviadzieńnia druhoha samitu z [lidaram KNDR] Kim Čen Ynam. Jon adbudziecca ŭ Chanoi, Vjetnam, 27 i 28 lutaha», - napisaŭ Tramp.
Amierykanski lidar zajaviŭ, što «ź nieciarplivaściu čakaje sustrečy sa staršynioj [Dziaržsavieta KNDR] Kimam [Čen Ynom] i prasoŭvańnia spravy miru».
Śpiecpradstaŭnik ZŠA pa KNDR z delehacyjaj u 20 supracoŭnikaŭ amierykanskaha źniešniepalityčnaha viedamstva znachodziŭsia 6-8 lutaha ŭ Pchieńjanie, paviedamlajuć infarmahienctvy. Abmiarkoŭvali detali praviadzieńnia samitu, a taksama «abaviazacielstvy pa poŭnaj denuklearyzacyi, pieraŭtvareńnie adnosinaŭ ZŠA i KNDR i ŭstalavańnie tryvałaha miru na Karejskim paŭvostravie».
12 červienia 2018 hadoŭ ŭ Sinhapury prajšoŭ pieršy ŭ historyi samit ZŠA - KNDR. Kiraŭniki dziaržaŭ pryniali sumiesnuju zajavu. Pchieńjan abviaściŭ pra pryncypovuju hatoŭnaść da poŭnaj denuklearyzacyi, a ZŠA abaviazalisia dać KNDR harantyi biaśpieki.