«Pierasiadź na mužčynski tvar». Čamu ŭsie abmiarkoŭvajuć novuju fieminisckuju rekłamu Reebok?
Rasijskaje adździaleńnie kampanii Reebok zapuściła prajekt #niŭjakijamiežy, jaki pavinien byŭ «raźviejać mify pra tradycyjnyja žanočyja i mužčynskija zaniatki».
Heta anałah zachodniaj rekłamy Reebok «Be More Human», jakaja taksama pryśviečanaja «mocnym žančynam».
Adnak u Rasii niešta pajšło nie tak.
Dla paraŭnańnia. Za miažoj łozunhi rekłamnaj kampanii hučali jak: «Nikoli nie vybačajsia za toje, što ty mocnaja». U Rasii ich adpaviednikam stała: «Pierasiadź ź ihołki mužčynskaha ŭchvaleńnia na mužčynski tvar».
Tvarami rekłamnaj kampanii ŭ Rasii stali miascovyja spartsmienki. A kankretna na hetym płakacie paziruje stvaralnica telehram-kanała «Žanočaja ŭłada», žurnalistka i błohierka Zalina Maršenkułava. Vykazvańni pobač ź joj — heta jaje niepasrednyja cytaty z kałonak na kalafieminisckija temy.
Rekłamnuju kampaniju žorstka raskrytykavali ŭ sacsietkach (mnohija mužčyny adznačali, što jana ich źnievažaje), i ŭžo ŭ kancy pracoŭnaha dnia Reebok Russia vydaliła hetyja płakaty z aficyjnych staronak u sacsietkach.
Markietołahu, jaki kiravaŭ prajektam, pryjšłosia zvolnicca paśla vymovy ad načalstva.
Adnak jon pakinuŭ za saboj apošniaje słova:
«Heta cytata (pra mužčynski tvar) nie pra hvałt, heta cytata, naadvarot, pra maksimalna mahčymaje zadavalnieńnie, jakoje žančyna moža atrymać sama i dać svajmu partnioru. Bolšaść mužčyn vielmi saramliva ŭsprymajuć temu kunilinhusa i publična nikoli nie pryznajucca ŭ tym, što jany heta robiać, tym bolš, što im heta padabajecca. Pry hetym tema ź minietam dla hramadstva zvykłaja. Tamu hetaj cytataj my havorym nie pra prynižeńnie mužčyn. My, naadvarot, zaklikajem ich raźniavolicca i złamać stereatypy».
