Złoŭlenaja ŭ Lelčyckim rajonie ryś pamierła: jana była žorstka źbita ludźmi
pixabay.com
Ryś, jakuju złavili na pryvatnym padvorku ŭ Lelčycach, pamierła, paviedamiŭ BIEŁTA dyrektar Akciabrskaha zaaparka Alaksandr Bielikaŭ.
Jak paviedamlałasia, infarmacyja pra toje, što ŭ dvary adnaho z pryvatnych damoŭ razhulvaje ryś, pastupiła ŭ lelčyckuju milicyju. Miascovyja žychary niekalki razoŭ bačyli lasnoha źviera ŭ pryvatnym siektary niedaloka ad centralnych vulic haradskoha pasiołka. Źviartalisia ŭ milicyju i z nahody źniknieńnia svojskaj ptuški. Žyviołu złavili i adpravili ŭ Akciabrski zaapark.
Dyrektar zaaparka raspavioŭ, što ryś była źniasilena. «U akcie adłovu zapisana, što žyvioła była źbita ludźmi, atrymała traŭmy, niesumiaščalnyja z žyćciom», — dadaŭ Alaksandr Bielikaŭ. Pamierłuju žyviołu abśledujuć na najaŭnaść u jaje šalenstva.
