Multsieryjał «Simpsany» praciahnuli na dva siezony

Amierykanskaja telesietka Fox abviaściła, što multsieryjał «Simpsany» praciahnuli na dva siezony.

Zaraz Fox tranśluje 30-y siezon «Simpsanaŭ». Jak adznačaje Variety, z ulikam novych 31 i 32-ha siezonaŭ sumarna budzie vypuščana 713 epizodaŭ sieryjała. Takim čynam, «Simpsany» zamacujuć status samaha praciahłaha sieryjała ŭ historyi amierykanskaha telebačańnia, jaki vychodzić u prajm-tajm.

Hałoŭnyja hieroi šou - siamja Simpsanaŭ, što paradziruje siarednich amierykancaŭ — Hamier, Mardž i troje ich dziaciej. Da paŭnavartasnych sieryj było vypuščana niekalki karotkamietražnych multfilmaŭ, pieršy ź jakich byŭ pakazany 19 krasavika 1987 hoda. Tranślacyja pieršaha siezona pačałasia 17 śniežnia 1989 hoda.

0

0

0

0

0

0