Zachad ci ŭschod? Mietearołahi raspaviali, što ŭpłyvaje na nadvorje ŭ Biełarusi
U 90% vypadkaŭ umovy nadvorja ŭ stalicy, jak i va ŭsioj krainie, farmujucca pad upłyvam akvatoryi Bałtyjskaha mora i Zachodniaj Jeŭropy, paviedamiŭ žurnalistam 6 lutaha načalnik słužby mietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Alaksandr Biahanski, piša «Minsk-novosti».
— Isnuje ŭsieahulnaje pamyłkovaje mierkavańnie, što toje nadvorje, jakoje było ŭ Maskvie dva dni tamu, zaraz u nas. Heta ŭ korani niasłušna. Na nadvorje ŭ stalicy ŭpłyvajuć Zachodniaja Jeŭropa i akvatoryja Bałtyjskaha mora, — adznačyŭ Biahanski.
Pavodle jaho słoŭ, kab skłaści prahnoz nadvorja dla Biełarusi, treba praanalizavać terytoryju ŭsioj Jeŭropy. Akramia jaje zachodniaj častki i akvatoryi Bałtyjskaha mora na nadvorje ŭ našaj krainie taksama ŭpłyvaje poŭdzień: Čornaje i Mižziemnaje mora.