Plamieńnik prapahandysta Kisialova siadzić u niamieckaj turmie za toje, što vajavaŭ za «DNR»
Plamieńnik rasijskaha prapahandysta Dźmitryja Kisialova asudžany ŭ Hiermanii za ŭdzieł u bajach na Danbasie na baku «DNR». Pra heta televiadučy paviedamiŭ u intervju Juryju Dudziu.
Pa słovach Kisialova, jaho plamieńnik Siarhiej vajavaŭ u šerahach bajevikoŭ «DNR» i byŭ uznaharodžany miedalom.
«Jon skazaŭ, što «ja ruski» i pajechaŭ vajavać. U jaho zahinuŭ kamandzir uzvoda, jon uziaŭ, tak by mović, na siabie kamandavańnie i ŭznaharodžany navat niejkim miedalom danieckim», — zajaviŭ Kisialoŭ.
Pavodle jaho słoŭ, plamieńnik maje hramadzianstva Hiermanii i byŭ aryštavany paśla taho, jak pakinuŭ Ukrainu. «Jon paśla hetaha pajšoŭ u manastyr, pastryhsia ŭ manachi na Afonie, pajechaŭ kudyści ŭ Bałharyju. Jaho aryštavali i adpravili ŭ Hiermaniju. Ciapier jon siadzić u turmie pa drennym artykule — teraryzm, zbroja — za toje, što vajavaŭ», — raskazaŭ Kisialoŭ.
