Nazvana pryčyna rezkaha rostu vypadkaŭ raku siarod maładych ludziej
Amierykanskija navukoŭcy vyjavili rezki rost zachvorvańnia na rak u maładych ludziej u ZŠA. Hałoŭnaj pryčynaj niespryjalnaj epidemijałahičnaj situacyi źjaŭlajecca raspaŭsiud atłuścieńnia, paviedamlajecca ŭ pres-relizie na MedicalXpress.
Daśledčyki vyśvietlili, što z 1995 pa 2015 hod złajakasnyja puchliny, dla jakich lišniaja vaha źjaŭlajecca faktaram ryzyki, stali ŭźnikać čaściej siarod žančyn i mužčyn da 50 hadoŭ. Pry hetym mienšy ŭzrost apynuŭsia źviazany z bolš vysokim uzroŭniem zachvorvańnia. U ludziej va ŭzroście 45-49 hadoŭ zachvorvańnie na rak piečani pavyšałasia na adzin pracent za kožny hod razhladanaha pieryjadu, a ŭ tych, kamu spoŭniłasia 30-34 hady i 25-29 hadoŭ, hety pakazčyk vyras bolš čym udvaja i ŭ čatyry razy, adpaviedna.
Akramia taho, u samych maładych mileniałaŭ zachvorvańnie inšymi vidami raku, źviazanymi z atłuścieńniem, byli taksama samymi vysokimi siarod usich uzrostaŭ. Kolkaść ludziej, što pakutujuć ad raku nyrak vyrasła na 6,23%, raka žoŭcievaha puchira — na 3,71%, raku mačavoha puchira — na 3,35% i raku kišačnika — na 2,41%.
Pa słovach navukoŭcaŭ, atłuścieńnie źjaŭlajecca najbolš lohka papieradžalnaj pryčynaj źjaŭleńnia złajakasnych puchlin. Prykładna adzin z 12 vypadkaŭ raku ŭ ZŠA vyklikany lišniaj vahoj, a ŭ Vialikabrytanii — adzin z 20. Pry hetym bolš za pałovu žycharoŭ ZŠA 20-49-hadovaha ŭzrostu jaduć mała sadaviny, harodniny i sucelnaha zbožža i złoŭžyvajuć fastfudam, sałodkimi napojami i sollu.
