U Paŭdniovaj Afrycy znajšli ruiny staražytnaha zakinutaha miehapolisa
Archieołahi Univiersiteta Vitvatersrand (PAR) znajšli ruiny bujnoha horada na ŭskrainie Jochanesburhu. U hety staražytny miehapolis ŭvachodziła kala 800 chatnich haspadarak, u jakich pražyvali nie mienš za 10 tysiač pradstaŭnikoŭ naroda tsvana. Pra heta paviedamlaje Lenta.ru sa spasyłkaj na vydańnie Science Alert.
Adkryćcio było zroblena z dapamohaj lidaraŭ, jakija dazvalajuć stvaryć trochmiernuju karcinu navakolnaha asiarodździa na asnovie źjaŭ pahłynańnia i raśsiejvańnia elektramahnitnaha vypramieńvańnia. U vyniku stanovicca lohka vyjavić roznyja detali pavierchni, zvyčajna nieprykmietnyja z-za hustoj raślinnaści. Akazałasia, što toje, što raniej ličyłasia nievialikaj hrupaj kamiennych chacin, na samaj spravie było bujnym i kvitniejučym horadam pad nazvaj Kvienienh, pakinutym žycharami kala 200 hadoŭ tamu.
Pavodle acenak, płošča Kvienienha składała pryblizna 20 kvadratnych kiłamietraŭ, i jon praisnavaŭ z XV da XIX stahodździa. Pary kamianioŭ, ustanoŭlenyja paralelna adzin da adnaho, pakazvajuć na najaŭnaść vulic i prachodaŭ dla bujnoj rahataj žyvioły. U centry horada znachodzilisia dva bujnyja abharodžanyja ŭčastki, jakija zajmali 10 tysiač kvadratnych mietraŭ. Navukoŭcy ličać, što byli kraali — chatnija haspadarki, jakija źmiaščajuć tysiačy hałoŭ sielskahaspadarčych žyvioł.
