U Homieli znajšli školnikaŭ, jakija pahražali padarvać škołu za drennyja adznaki pa kantrolnaj
Iłžyvuju infarmacyju ab miniravańni homielskaj škoły № 55 dasłali niekalki jaje vučniaŭ, paviedamlaje milicyja.
Na elektronny adras škoły pryjšło paviedamleńnie pra toje, što va ŭstanovie budzie zakładziena vybuchovaje prystasavańnie. Jaho pryviaduć u dziejańnie ŭ vypadku atrymańnia admoŭnych adznak za kantrolnuju.
U Homieli nieviadomy pahražaŭ uzarvać škołu, kali acenki pa kantrolnaj buduć kiepskimi
Na miesca vyjechali sapiory, milicyja, vajskoŭcy, śledčyja. Navučencaŭ i nastaŭnikaŭ evakuiravali, vybuchovaha prystasavańnia nie znajšli.
U chutkim časie milicyja znajšła žartaŭnikoŭ — iłžyvaje paviedamleńnie adpravili navučency škoły.
Padletki pryniali zachady, kab zastacca niezaŭvažanymi i ananimnymi ŭ internecie. Ale apieratyŭniki adździeła pa raskryćci złačynstvaŭ u śfiery vysokich technałohij znajšli mahčymaść vyvieści ich ź cieniu.