Supracoŭniki DAI pryjechali na Kamaroŭku na aŭtamabili, jaki aŭtamatyčna vypisvaje štrafy parušalnikam parkoŭki VIDEA
Parušeńni praviłaŭ spynieńnia i stajanki transpartnych srodkaŭ supracoŭniki staličnaj Dziaržaŭtainśpiekcyi aktyŭna vyjaŭlajuć z dapamohaj aparatna-prahramnaha kompleksu (APK) «ParkRajt». Jak hety cuda-prybor pracuje, vyśviatlaŭ karespandent ahienctva «Minsk-Naviny».
Adpraŭlajemsia ź inśpiektaram DPS adździeła DAI Savieckaha RUUS Vadzimam Cupryjanovičam na słužbovym aŭtamabili pa vulicach vakoł Kamaroŭskaha rynku, dzie z dnia ŭ dzień adznačajecca niamała parušeńniaŭ praviłaŭ parkoŭki. Jon zamacoŭvaje prybor na łabavym škle, naładžvaje na pracu.
Inśpiektar nakiroŭvaje kamieru na pravy bok darohi, dzie ŭ zonie dziejańnia znaka, jaki zabaraniaje spynieńnie, raźmiaścilisia aŭtamabili. Dzieści mašyny stajać u dva šerahi. «ParkRajt» identyfikuje rehistracyjnyja znaki transpartnych srodkaŭ, jakija trapili ŭ zonu nazirańnia kamiery, i raspaznaje ich.
Miescaznachodžańnie patrulnaha aŭtamabila vyznačajecca z dapamohaj navihacyjnaha pryjomnika GPS. Vyjazdžajem z zony kantrolu. Ciapier nam treba zrabić koła, kab prajšło nie mienš za 5 chvilin. Kali za hety čas zafiksavanyja kamieraj mašyny nie pakinuć miesca stajanki, prybor zaniasie ich u śpis parušalnikaŭ praviłaŭ.
APK zachoŭvaje ŭ pamiaci numary aŭto. Paśla dadzienyja apracoŭvajuć, pastanovy ab nakładańni administracyjnaha spahnańnia vysyłajuć pa pošcie ŭłaśnikam transpartnych srodkaŭ. U tak zvany «list ščaścia» akramia pratakoła z ukazańniem dnia, času i miesca ździajśnieńnia pravaparušeńnia ŭkładvajecca fota aŭtamabila.
Pa słovach V. Cupryjanoviča, zabaranialnyja znaki tut ustalavany nie vypadkova. U hadziny pik i ŭ vychodnyja dni niapravilna pryparkavany transpart moža stać pryčynaj zatoru. Adnak kiroŭcy ŭsio roŭna staviać mašyny z parušeńniem praviłaŭ, choć pa susiedstvie ŭ parkinhach jość volnyja miescy. U takoj situacyi «ParkRajt» vielmi karysny. Za dzień prybor fiksuje prykładna 40 parušeńniaŭ praviłaŭ prypynku i stajanki transpartnych srodkaŭ. Takaja ličba była i ŭ hety raz.
U DAI adznačajuć: u horadzie jość niamała miescaŭ, dzie navat pad zabaranialnym znakam utvarajucca stychijnyja stajanki transpartu, jakija abciažarvajuć prachod piešachodaŭ i prajezd. Źjaŭleńnie ŭ takich miescach słužbovaha aŭtamabila z «ParkRajtam» pavyšaje dyscyplinu siarod aŭtamabilistaŭ.
