Na praśpiekcie Pieramožcaŭ hoły mužčyna trapiŭ pad mašynu, ale ŭciok da pryjezdu milicyi
U internecie razychodzicca videa, źniataje ŭčora, 23 studzienia, kala HC «Zamak» u Minsku, na praśpiekcie Pieramožcaŭ. Padrabiaznaści pieradaje partał abw.by.
Na zadnim płanie videa, kala samaj prajeznaj častki, možna razhledzieć absalutna hołaha mužčynu. Jon pavodzić siabie dziŭna: uskidvaje ruki da nieba, potym nachilajecca, znoŭ padymaje ruki ŭvierch…
Vidavočcy čuli huk udaru aŭtamabila i padazrajuć, što na mužčynu raniej ździejśniŭ najezd aŭtamabil VW Golf, u taho było raźbita lusterka. U samoha piešachoda bačyli trochi kryvi na hałavie, ale surjozna jon nie paciarpieŭ. Na miesca vyjazdžała chutkaja, ale, jak adznačajuć vidavočcy, da jaje pryjezdu hoły čałaviek užo reciravaŭsia.
Načalnik adździeła ahitacyi i prapahandy staličnaj DAI Alaksandra Papova paćvierdziła abw.by, što na mužčynu byŭ učynieny najezd. «Na miesca vybyvali supracoŭniki staličnaj Dziaržaŭtainśpiekcyi. Da ich prybyćcia piešachod samastojna pakinuŭ prajeznuju častku», — paviedamiła Alaksandra Papova. Inšyja padrabiaznaści źjaviacca krychu paźniej.
Dapaŭnieńnie: aŭtar videa paźniej vydaliŭ jaho z YouTube.
