Bieraściejku buduć sudzić za palityzacyju śniehavika
Spoŭniŭsia hod, jak bieraściejcy pratestujuć suprać akumulatarnaha zavodu, jaki budujecca niepadalok horadu. 5 studzienia aktyvisty kampanii suprać budaŭnictva pryjechali da zavodu, kab adznačyć hetuju padzieju. Niekatoryja ŭziali z saboj dziaciej, tyja źlapili śniehavikoŭ.
Dla bieraściejki Julii Ničyparuk lepka śniehavikoŭ skončyłasia administratyŭnym pratakołam, jaho skłali ŭ milicyi Bieraściejskaha rajona. 30 studzienia žančynu buduć sudzić.
«Našy dzieci źlapili śniehavika, my dapamahli ŭpryhožyć. Za heta mianie vyklikali ŭ milicyju i skłali pratakoł pa artykule 23.34 KaAP RB (parušeńnie paradku arhanizacyi abo praviadzieńnia masavych mierapryjemstvaŭ).
U pratakole napisana, što na siaredniaj častcy śniehavika raźmieščana ŭlotka, na vierchniaj nalepka. Ja liču, što heta absurd. Zaraz cikava budzie pahladzieć, čym usio heta skončycca ŭ sudzie» — skazała «Biełsatu» Julija Ničyparuk.