Žychary Čavusaŭ stralali pa dzičynie prosta z hruzavika
Na sielskahaspadarčym poli kala vioski Hałačoŭka Čavuskaha rajona nočču rejdavaja hrupa dziaržinśpiektaraŭ spyniła aŭtamabil ZIŁ, na jakim jechali čaćviora žycharoŭ horada Čavusy. Dvoje ź ich znachodzilisia ŭ kuzavie hruzavika z zaradžanaj strelbaj. Usie, akramia kiroŭcy, mieli lichtary, jakimi padśviečvali navakolli - vierahodna, u pošukach dzičyny, piša Źviazda.
Mužčyn zapadozryli ŭ brakańjerstvie, pakolki dakumientaŭ na palavańnie ŭ ich nie było. Da taho ž taki sposab palavańnia - z transpartnaha srodku - zabaronieny i stroha karajecca navat u tym vypadku, kali parušalniki nie paśpieli zdabyć dzičynu. Čavuski RAUS užo pačaŭ kryminalnuju spravu.
U dačnym domie adnaho z zatrymanych śledča-apieratyŭnaja hrupa vyjaviła dźvie niezarehistravanyja strelby i 15 kiłahramaŭ miasa dzika. Heta śviedčyć ab tym, što «brakańjerskaja bryhada» mahła i raniej zajmacca niezakonnymi palavańniami, paviedamili ŭ dziaržaŭnaj inśpiekcyi achovy žyviolnaha i raślinnaha śvietu pry Prezidencie Respubliki Biełaruś. U pracesie rasśledavańnia budzie ŭstanoŭlena dačynieńnie kožnaha z čaćviarych palaŭničych-nielehałaŭ. Im pahražaje da šaści hadoŭ pazbaŭleńnia voli.