Cimašenka paabiacała Biełarusi padtrymku na šlachu ŭ ES, kali jaje vybieruć prezidentam Ukrainy
Adna z favarytak pieradvybarčaj honki va Ukrainie Julija Cimašenka adkazała na pytańnie Radyjo Svaboda pra jaje palityku ŭ dačynieńni Biełarusi ŭ vypadku abrańnia prezidentam.
Jana pierakananaja, što Biełaruś, jak i Ukraina, maje aryjentavacca na jeŭrapiejskija kaštoŭnaści i vyznačyć ES jak pryjarytetny viektar svajoj zamiežnaj palityki.
Adkazvajučy na pytańnie, ci budzie jana ŭličvać intehracyjny kanflikt miž Biełaruśsiu i Rasijaj pry stasunkach ź biełaruskim bokam, Julija Cimašenka zajaviła:
«Ja pierakananaja ŭ tym, što krok za krokam usie krainy, jakija vyjšli z Savieckaha Sajuza, buduć nabližacca da jeŭrapiejskich kaštoŭnaściaŭ, u tym liku da vielmi ciesnaj supracy z tymi krainami, jakija ŭvachodziać u ES. Ukraina budzie nie tolki sama prachodzić hety šlach — nabližeńnie i siabroŭstva ŭ ES, a my budziem rabić tak, kab usie krainy jeŭrapiejskaha kantynienta rana ci pozna mieli mahčymaść stać častkaj adnoj (jeŭrapiejskaj) siamji».
