Ejsmant: Łukašenka daručaŭ nieadkładna zaniacca vyzvaleńniem Naści Rybki
Historyju hramadzianki Biełarusi Anastasii Vašukievič, jakuju departavali z Tajłanda ŭ Biełaruś, ale zatrymali padčas pierasadki ŭ Šaramiećcieva, kp.by prakamientavała pres-sakratar prezidenta Biełarusi Natalla Ejsmant
— U dadzieny momant skažu koratka: biezumoŭna, kiraŭnik dziaržavy ŭ kursie hetaj situacyi, pra jaje šmat pišuć u ŚMI. Bolš za toje, prezidentam Biełarusi dadziena daručeńnie nieadkładna zaniacca vyzvaleńniem hramadzianki Biełarusi, — raspaviała Natalla Ejsmant «Kamsamołcy».
Rybku adpuścili pad padpisku ab niavyjeździe
— Jakija pieršyja miery pryniaty?
— Ja mahu kazać pra toje, što viedaju: daručeńnie ad prezidenta krainy pastupiła, dumaju, jaho ŭžo pryniali da vykanańnia ŭ Ministerstvie zamiežnych spraŭ.
Ministr zamiežnych spraŭ Uładzimir Makiej prakamientavaŭ žurnalistam daručeńnie prezidenta nieadkładna zaniacca vyzvaleńniem hramadzianki Biełarusi Nastaśsi Vašukievič.
— Usie daručeńni prezidenta, jakija MZS atrymlivaje, vykonvajucca bieśpiarečna, jakasna i ŭ termin, — zajaviŭ Makiej.
— Heta značyć vyzvaleńnie Naści Rybki — vynik pracy MZS?
— Heta kompleksnaja zasłuha. Jana vyzvalena pad padpisku ab jaŭcy, jana moža prylacieć u Minsk, ale pavinna pa pieršym patrabavańni źjaŭlacca ŭ sudzie, — rastłumačyŭ Makiej.
