Pad Babrujskam kiroŭca fury z dočkami ŭ sałonie urezaŭsia ŭ dreva 

Fura z 12 t mietału ŭ pryčepie i dvuma dziećmi ŭ sałonie ŭlacieła ŭ dreva pad Babrujskam, paviedamlaje mahiloŭskaja milicyja.

Avaryja adbyłasia ranicaj 19 studzienia na trasie Babrujsk — Mazyr u rajonie vioski Majak. 52-hadovy mužčyna jechaŭ z Kobryna ŭ Białyničy i zasnuŭ za rulom. Aŭtamabil KamAZ z 12 t mietaličnych kanstrukcyj na poŭnaj chutkaści źjechaŭ z trasy i ŭrezaŭsia ŭ dreva. «Mašyna atrymała surjoznyja miechaničnyja paškodžańni. Kiroŭca, a taksama siamihadovaja i dzieviacihadovaja dočki, jakija znachodzilisia na spalnym miescy ŭ sałonie, nie paciarpieli», — raspaviali va UUS.

Na kiroŭcu składzieny dva pratakoły — za parušeńnie praviłaŭ pieravozki pasažyraŭ i za ździajśnieńnie DTZ.

0

0

0

0

0

0