Sud u Maskvie pavialičyŭ termin zatrymańnia biełaruskaj hramadzianki Naści Rybki na try dni
Nahacinski sud Maskvy pavialičyŭ na troje sutak termin zatrymańnia biełaruskaj hramadzianki, skandalnaj eskortnicy Naści Rybki (Anastasii Vašukievič). Pra heta paviedamiła z zały suda rasijskaja słužba Radyjo Svaboda. Sudovaje pasiadžeńnie ab abrańni miery strymańnia dla Rybki adkładziena na 22 studzienia.
Rybku padazrajuć va ŭciahvańni ŭ prastytucyju. Joj pahražaje pazbaŭleńnie voli na termin da šaści hadoŭ.
Rybka była zatrymanyja ŭ maskoŭskim aeraporcie Šaramiećcieva ŭ čaćvier paśla departacyi z Tajłanda, dzie jaje prysudzili da ŭmoŭnaha terminu za arhanizacyju seks-treninhaŭ. Jana pavinna była być departavanaja ŭ Biełaruś, ale jaje zatrymali ŭ tranzitnaj zonie aeraporta.
U 2018 hodzie Naścia Rybka stała hierainiaj rasśledavańnia Alaksieja Navalnaha pra vice-premjera Siarhieja Prychodźku i biznesmiena Aleha Dzierypasku. Navalny śćviardžaŭ, što čynoŭnik pravioŭ try dni na jachcie Dzierypaski la bierahoŭ Narviehii razam ź dziaŭčatami z eskort-ahienctvaŭ. Rasśledavańnie Navalnaha hruntavałasia na knizie i instahramie Rybki. Navalny abvinavaciŭ Prychodźku ŭ karupcyi. Kali Rybka była na jachcie, Dzierypaska abmiarkoŭvaŭ z rasijskim čynoŭnikam ŭmiašalnictva ŭ vybary prezidenta ZŠA, śćviardžała jana.
U sudzie Naścia Rybka vybačyłasia pierad Dzierypaskam, adznačaje Radyjo Svaboda.
