Šunievič adkryŭ internat dla asudžanych ź dziećmi
U papraŭčaj kałonii №4 u Homieli adkryli internat, dzie asudžanyja žančyny zmohuć znachodzicca sa svaimi dziećmi da 3 hadoŭ, paviedamlaje MUS.
Fota: MUS.
Tam taksama ŭładkavali ŭčastak dla ŭtrymańnia asudžanych, jakim jašče niama 18 hadoŭ.
Ministr unutranych spraŭ Ihar Šunievič adznačyŭ, što zroblena mnohaje, i ŭ pieršuju čarhu, dziela dziaciej.
— Toj dzień, kali z zadavalnieńniem pryjazdžaješ u papraŭčuju ŭstanovu zakrytaha typu. My sprabujem stvaryć cyvilizavanyja ŭmovy dla peŭnaj hrupy asudžanych — žančyn ź dziećmi. Heta vialikaje ŭkładańnie hrošaj, i my inviestujem u budučyniu! Robicca heta dla taho, kab viarnuć dzicia na śvietły bok žyćcia!
Paśla ŭračystaj cyrymonii hości prajšli ŭ novy internat. Tut 15 pakojaŭ dla mam ź dziećmi na 20 miescaŭ, abstalavanych usim nieabchodnym: stolik dla spavivańnia, kamody, dziciačyja łožki.
Fota: MUS.
Filijał siaredniaj ahulnaadukacyjnaj škoły № 34 raźmiaściŭsia na druhim paviersie. Uviečary tut buduć vučycca darosłyja, jakija pa niejkich pryčynach nie zmahli atrymać bazavuju abo siaredniuju adukacyju.
— U vačach ja pračytaŭ vielizarnaje žadańnie vučycca! — adznačyŭ Ihar Šunievič. — U luboj spravie patrebien stymuł, tvorčaść i mahčymaść raźvićcia. My znojdziem sposab adznačyć tych, chto skončyć škołu z załatym miedalom — umoŭna-daterminovaje vyzvaleńnie ci zamiena pakarańnia.