Mahiloŭka ŭdaryła brata nažom, patrabujučy chutčej padzialić babulinu kvateru
5 studzienia ŭ Mahilovie adbyłasia svarka, vynikam jakoj stali kołata-rezanyja rany roznych častak cieła ŭ 42-hadovaha mahiloŭca, uładalnika žylla. Ranieńni mužčynu naniesła jaho rodnaja siastra, 28-hadovaja mahiloŭka, pradaŭščyca adnoj z kram horada, piša abłasnoje UUS.
Žančyna pryjšła ŭ hości da svajaka ŭžo mocna pjanaj i pačała vyśviatlać ź im adnosiny. U pryvatnaści, mahiloŭcy nie ciarpiełasia padzialić z bratam kvateru, jakaja zastałasia paśla pamierłaj babuli. Jana chadziła śledam za im pa kvatery, čaplałasia da jaho z pytańniami, a kali mužčyna pačaŭ mycca ŭ vannaj, nie žadajučy padtrymlivać dyjałoh, schapiła nož i pačała bić im pa roznych častkach cieła, patrabujučy adkazu. Mužčynu sa šmatlikimi ranami zabrała chutkaja dapamoha, žančynu — supracoŭniki milicyi.
Mahiloŭku zatrymali. Žančynie pahražaje pakarańnie ŭ vyhladzie abmiežavańnia voli na termin ad troch hadoŭ abo pazbaŭleńnie voli na termin ad čatyroch da vaśmi hadoŭ.
