Kitajcy ŭpieršyniu ŭ historyi vyhadavali raślinu na Miesiacy
Na advarotnym baku Miesiaca prarasło nasieńnie, jakoje dastaviŭ tudy kitajski zond Čan'e-4. Heta pieršy viadomy paśpiachovy bijałahičny ekśpierymient na pavierchni spadarožnika.
Tak pačaŭsia ekśpierymient kitajskich navukoŭcaŭ pa stvareńni mini-bijaśfiery na spadarožniku Ziamli, paviedamlaje ahienctva Sińchua.
Zond Čan'e-4 utrymlivaŭ nasieńnie bavoŭny, rapsu, bulby i arabidopsisa, a taksama jajki pładovaj muchi i niekatoryja droždžy. Heta pavinna było, na dumku navukoŭcaŭ z univiersiteta Čuncyna, sfarmavać prostuju mini-bijaśfieru.
Nasieńnie znachodzicca ŭ admysłovym hiermietyčnym kantejniery, ustanoŭlenym u pasadačnaj płatformie. Unutry kantejniera znachodzicca nievialikaja kamiera. Parastak bavoŭnika dobra vyras, choć inšyja raśliny pakul što nie ŭzyšli.
