Biełaruska pra zabitaha mera Hdańska: «Dapamahaŭ biełarusam»
«Adnojčy ŭ Hdańsku paśla litaraturnaj imprezy my siadzieli na bankiecie ŭ restaracyi, na vulicy bušavała zaleva, — piša ŭ siabie ŭ fejsbuku Śviatłana Kurs. — U zału zajšoŭ adzinoki čałaviek u čornym palito i kapielušy, atros i zakryŭ parason dy sieŭ pobač sa mnoj, daloka ad usialakich hałoŭnych stałoŭ. My cicha hutaryli, i tolki paśla taho, jak prysutnyja paprasili jaho skazać tost, ja daviedałasia, što heta «prezident usich hdańčan» Pavieł Adamovič. U toj viečar jon skazaŭ mnie, što jahonaja siamja pierajechała ź Biełarusi, z Vaŭkavyska, i jon častkova biełarus. Jon adpačatku padtrymlivaŭ materyjalna i maralna biełaruskamoŭny licej imia Jakuba Kołasa, daŭ im miesca ŭ horadzie. Jon zaprašaŭ u horad imihrantaŭ, jakich nie chacieli bačyć u inšych haradach, pratestavaŭ suprać movy nianaviści ŭ polskim hramadstvie. Sam sa skrynačkaj źbiraŭ srodki dla Vialikaha Arkiestra Śviatočnaj dapamohi. Šeść razoŭ jaho vybirali prezidentam marskoha miesta Hdańsk».
