Mikałaja Statkieviča prapanavali pretendentam u prezidenty
Arhkamitet partyi «Narodnaja Hramada» prapanuje vyłučyć pretendentam u kandydaty na prezidenckuju pasadu palityka Mikołu Statkieviča. Pra heta paviedamiŭ BiełaPAN, spasyłajučysia na rašeńnie arhkamiteta arhanizacyi.
17 studzienia pavinien prajści Biełaruski nacyjanalny kanhres, na jakim, imavierna, budzie nazvany ahulny pretendent u kandydaty ŭ prezidenty.
Vyłučać svaje kandydatury majuć prava ŭsie subjekty BNK, siabry rady, a taksama rehijanalnyja kaalicyi.
«Kožny z kandydataŭ pavinien pradstavić svaju stratehiju pieramohi, adbudziecca hałasavańnie, i budzie kandydat», — kazaŭ u intervju NN Mikałaj Statkievič.
Raniej u Radu BNK uvajšli niekalki kiraŭnikoŭ rehijanalnych kaalicyj demakratyčnych siłaŭ i lidary arhanizacyj, u tym liku: Biełaruski ruch, Ruch za dziaržaŭnaść i niezaležnaść, Jeŭrapiejskaja Biełaruś, ruch salidarnaści «Razam», «Narodnaja hramada».
U Statkieviča na hety momant nie źniataja sudzimaść za Płošču-2010.
«Ad 2015 hoda maju sudzimaść na vosiem hadoŭ. Ale pavodle Kanstytucyi sudzimaść nie źjaŭlajecca pieraškodaj dla ŭdziełu ŭ vybarach, tolki ŭ Vybarčym kodeksie jość takija abmiežavańni», — daje svaju traktoŭku zakanadaŭstva palityk.
«Na hety momant isnuje patencyjał palityčnaha pratestu (da 5%), sacyjalnaha (da 10%) i patryjatyčnaha supracivu (da 15%). Usio heta blizka da nula, ale patencyjał jość. I naša meta — abjadnać hetyja patencyjały», — miarkuje palityk.
Pa jahonych słovach, na vybary treba iści z łozunham «uładu — narodu».
«My chočam mirnych pieramienaŭ, kab viarnuć vybarnaść, kab viarnuć ludziam mahčymaść na niešta ŭpłyvać. My chočam danieści na Uschod, što my nie źbirajemsia adrazu ŭstupać u NATO ci rabić niešta padobnaje. Demakratyčnaja Biełaruś budzie nadziejnym partnioram dla ŭsich susiedziaŭ. Hałoŭnaje — viarnuć svabodu», — kaža Mikałaj Statkievič.
Pavodle Kanstytucyi, prezidenckija vybary pavinny prajści nie paźniej za žnivień 2020 hoda.
Nahadajem, što siońnia kandydatam dla ŭdziełu ŭ «prajmieryz» pravacenstrysckaj kaalicyi na vybary prezidenta byŭ nazvany lidar AHP Mikałaj Kazłoŭ.
