Ź niadaŭna adkrytaha mosta ŭ Žytkavickim rajonie (nie z taho, pra jaki vy padumali) zvaliłasia mašyna ź dziaŭčynaj-kiroŭcaj FOTA

Incydent adbyŭsia 9 studzienia kala vioski Lenin Žytkavickaha rajona. Pa draŭlanym moście jechaŭ aŭtamabil i ŭpaŭ u raku paviedamlajecca ŭ hrupie Ukantakcie ČP Biełaruś | Budź u kursie!.

Jak raspavioŭ adzin z padpisantaŭ, dziaŭčyna na Rover pierajazdžała most, u aŭto łopnuła koła i mašynu paniesła. Na ščaście, kiroŭca nie paciarpieła. Vybracca ź joj dapamoh inšy kiroŭca, što prajazdžaŭ mima, piša Tut.by.

Most praz raku Słuč pamiž ahraharadkom Lenin i vioskaj Nova-Lenin zusim novy. Uźviali jaho ŭ kancy listapada vajskoŭcy. Źjaŭleńnie novaha zbudavańnia vyrašyła prablemy miascovych žycharoŭ, bo raniej, kab dabracca na inšy bierah im było nieabchodna rabić kruk za 30 km.

0

0

0

0

0

0