Pahladzicie padborku FOTA ptušak, jakich kalcujuć u rasonskaj hłušy
U Rasonskim rajonie Viciebskaj vobłaści jość siadziba «Zaimka lesuna». Siudy pryjazdžajuć šmat zamiežnikaŭ, jakija zachaplajucca nazirańniem za ptuškami.
Reč u tym, što na «Zaimcy» pracuje adna ź dźviuch biełaruskich stancyj kalcavańnia ptušak, zajmajucca joj aktyvisty Achovy ptušak baćkaŭščyny.
Arnitołahi vykładajuć u internet niekatoryja fota ptušak, jakich akalcavali. Prapanujem vam padborku. Nazvy pisać nie budziem: kali paznajecie — to pišycie ŭ kamienty.
«My łovim ich z navukovymi metami: kalcavańnie patrebna, kab vyjavić asablivaści mihracyi, praciahłaść žyćcia, miescy žyćcia», — kažuć navukoŭcy.
Za 2018 hod jany akalcavali adzinaccać tysiač ptušak.
Łoviać ich u śpiecyjalnyja sietki.
«Na bolšaści fota ptuški vyhladajuć dosyć spakojnymi, ale heta prosta ŭdały kadr. Viadoma, jany vyryvajucca, bjuć. Vielmi ciažka ź dziatłami — jany z mocnaj doŭhaj dziubaj, adbivajucca. A ŭ savy, naprykład, vielmi tonkija i vostryja kipci. Kali jana padziare, to zažyvać budzie vielmi doŭha. My namahajemsia nie trymać ptušak lišni čas, dla ich heta stres. Kali fota nie atrymlivajecca — to i ładna, mo inšaja pahodzicca sfotkacca», — kažuć arnitołahi.