Tramp pačaŭ padrychtoŭku da ŭviadzieńnia režymu nadzvyčajnaha stanovišča ŭ ZŠA
Donald Tramp pačaŭ padrychtoŭku da ŭviadzieńnia režymu nadzvyčajnaha stanovišča ŭ Złučanych Štatach z-za dalejšaha šatdaŭna. Vyrašyć sprečku z demakratami ab budaŭnictvie ściany na miažy ź Mieksikaj u hetym vypadku dazvolić biudžet armii ZŠA.
Administracyja prezidenta ZŠA pačała vyvučać mahčymaść uviadzieńnia režymu nadzvyčajnaha stanovišča ŭ krainie, kab damahčysia finansavańnia prajekta budaŭnictva ściany na miažy ź Mieksikaj. Pra heta sa spasyłkaj na krynicy ŭ Biełym domie paviedamlaje hazieta the Washington Post.
Uviadzieńnie režymu nadzvyčajnaha stanovišča dazvolić puścić na finansavańnie prajekta niavykarystanyja srodki ŭ biudžecie Inžyniernych vojskaŭ ZŠA. U rasparadžeńni Inžyniernych vojskaŭ znachodzicca $ 13,9 młrd, vydzielenych u adpaviednaści z zakonaprajektam ab vydatkach na vypadak stychijnych biedstvaŭ, ale nie vydatkavanych u 2018 hodzie. Hetyja srodki byli pryznačanyja dla likvidacyi nastupstvaŭ šerahu pryrodnych katastrof, u pryvatnaści urahanaŭ «Charvi» i «Maryja», jakija nanieśli značny ŭron poŭdniu ZŠA. Donald Tramp, pa dadzienych vydańnia, zapatrabavaŭ ad kamandavańnia Inžyniernych vojskaŭ adkazy na pytańni, nakolki chutka mohuć być padpisany adpaviednyja kantrakty i ci moža być budaŭnictva ściany pačata na praciahu nastupnych 45 dzion.
Raniej, 8 studzienia, stała viadoma, što zakonnaść rašeńnia ab mahčymym uviadzieńni režymu nadzvyčajnaha stanovišča vyvučajuć jurysty Biełaha doma.
