Łukašenka zrabiŭ bolš žorstkimi ŭmovy akazańnia dziaržpadtrymki pradpryjemstvam. Dapamahać buduć tolki ŭ vyklučnych vypadkach
U Biełarusi robicca bolš žorstkim paradak akazańnia dziaržaŭnaj finansavaj padtrymki. Heta praduhledžana ŭkazam №10, jaki Alaksandr Łukašenka padpisaŭ 10 studzienia.
Ustanoŭlena, što dziaržpadtrymka moža akazvacca ŭ vyklučnych vypadkach pa rašeńni prezidenta tolki ŭ vyhladzie biudžetnaj pazyki dla realizacyi inviestycyjnych prajektaŭ, jakija prajšli dziaržaŭnuju kompleksnuju ekśpiertyzu i jakija majuć stanoŭčaje zaklučeńnie.
Ukazam udakładnieny pieralik asob, jakija mohuć raźličvać na dziaržpadtrymku. U śpis trapili jurydyčnyja asoby — rezidenty Biełarusi (za vyklučeńniem biudžetnych arhanizacyj, bankaŭ, Banka raźvićcia Biełarusi, strachavych i niabankaŭskich kredytna-finansavych arhanizacyj, kali inšaje nie ŭstanoŭlena kiraŭnikom dziaržavy) i indyvidualnyja pradprymalniki.
Pry hetym umovaj akazańnia dziaržpadtrymki źjaŭlajecca dasiahnieńnie pradpryjemstvam asnoŭnych pakazčykaŭ dziejnaści: rentabielnaść prodažaŭ, pradukcyjnaść pracy, źnižeńnie ŭzroŭniu zatrat na vytvorčaść i realizacyju pradukcyi.
Karekciroŭka pakazčykaŭ nadalej zabaraniajecca. Kali hetyja pakazčyki nie buduć dasiahnutyja, pazyčalnik pavinien budzie daterminova viarnuć biudžetnyja srodki.