Rumas stvaryŭ pracoŭnuju hrupu pa intehracyi z Rasijaj

Pracoŭnaja hrupa pa vypracoŭcy prapanoŭ ab dalejšym raźvićci biełaruska-rasijskaj intehracyi stvorana rasparadžeńniem premjer-ministra Siarhieja Rumasa. Jaje ŭznačalvaje ministr ekanomiki Dźmitryj Kruty, paviedamlaje sajt urada.

Ekśpierty pa adpaviednych napramkach farmujuć paradak budučych pieramoŭ, pravodzicca analiz usioj dahavornaj bazy Sajuznaj dziaržavy, Jeŭrazijskaha ekanamičnaha sajuza.

U skład hrupy ŭvajšli 30 čałaviek. U ich liku pasoł Biełarusi ŭ Rasii Uładzimir Siamaška, pradstaŭniki ministerstvaŭ zamiežnych spraŭ, finansaŭ, sielskaj haspadarki i charčavańnia, enierhietyki, pramysłovaści, abarony i šerahu inšych, kancerna «Biełnaftachim», Nacyjanalnaha banka, KDB, Dziaržpahrankamiteta, parłamienta i inšyja.

0

0

0

0

0

0