Čaćviortakłaśnik u Połacku atrymaŭ traŭmu hałavy, źjazdžajučy na ciubinhu z horki. Jon urezaŭsia ŭ dreva
Infarmacyja pra zdareńnie pastupiła ŭ milicyju z centralnaj haradskoj balnicy, kudy chłopčyk byŭ dastaŭleny z traŭmaj hałavy. Jon spuskaŭsia z horki na ciubinhu.
Uviečary 9 studzienia čaćviortakłaśnik kataŭsia na ciubinhu ŭ rajonie Kurhana Słavy ŭ Połacku. Tam vielmi stromkija horki, i čarhovy zajezd skončyŭsia dla jaho sutyknieńniem z drevam. Školnika ŭ balnicu pryvioz starejšy brat.
Akramia taho, u Viciebskaj haradskoj stancyi chutkaj i nieadkładnaj miedycynskaj dapamohi raskazali, što padobnyja incydenty 4,6 i 7 studzienia adbylisia ŭ abłasnym centry, paciarpieli čatyry čałavieki. Tak, pry spusku z hary atrymała traŭmu ruki 13-hadovaje dzicia. U inšych vypadkach paciarpieli darosłyja: u adnym mužčynu dastavili z akryvaŭlenaj hałavoj, taksama dźvie žančyny paškodzili śpiny.