Dva prajekty biełarusaŭ atrymali ŭznaharody na prestyžnaj mižnarodnaj technałahičnaj vystavie CES
Biełaruskija startapy Teslasuit i Flo stali łaŭreatami Innovation Awards ad arhanizataraŭ najbujniejšaj technałahičnaj vystavy CES, paviedamlaje Park vysokich technałohij.
Razumny kaścium Teslasuit pieramoh u katehoryi virtualnaj i dapoŭnienaj realnaści.
Servis manitorynhu žanočaha zdaroŭja Flo vyjhraŭ u naminacyi «Prahramnaje zabieśpiačeńnie i mabilnyja prahramy».
«My vielmi ščaślivyja i rady atrymać takoje pryznańnie. CES — adno z samych jarkich prafiesijnych mierapryjemstvaŭ, jakoje abjadnoŭvaje najlepšyja rozumy i idei technałahičnaj industryi», — adznačyŭ hienieralny dyrektar Flo Dźmitryj Hurski.
CES źjaŭlajecca najbujniejšaj vystavaj spažyvieckaj elektroniki ŭ śviecie. Sioleta siarod raspracovak, jakija vyklikali intares u naviedvalnikaŭ — robaty, elektratranspart, razumnyja televizary, mahčymaści 5G.
Na placoŭcy ŭ Łas-Viehasie ŭpieršyniu demanstravalisia pradukty, jakija zatym źmianiali śviet: ad videamahnitafonaŭ i kamier da hulniavych prystavak i CD.