Na Słuččynie ślapy i padvypiŭšy mužčyna zabłukaŭ, chadziŭ pa kruzie i kryčaŭ «Dapamažycie!» Jaho vyratavali vypadkova
5 studzienia prykładna a 9-aj viečara ŭ vioscy Jačava (Słuččyna) miascovy žychar Illa čyściŭ śnieh u dvary svajho doma. Raptam jon pačuŭ kryki: «Dapamažycie!» Chłopiec padumaŭ, što jamu zdałosia. Jon vyjšaŭ za bramku i hučna spytaŭ: «Chto tut?» Ale jamu nichto nie adkazaŭ. A praz paru chvilin znoŭ pačuŭ kryk: «Dapamažycie! Ja zabłukaŭ!», piša «Infa-Kurjer».
Illa zrazumieŭ, što kryk idzie z pola. Jon uziaŭ sabaku, lichtaryk i pajšoŭ u toj bok. Prykładna za 150 mietraŭ ad jaho doma, u kanavie, skruciŭšysia kałačom, lažaŭ mužčyna. U radyusie 50 mietraŭ byŭ vytaptany śnieh. A kala pnioŭ byli ślady ad padzieńnia. Napeŭna, jon tak zabłudziŭsia, što prosta vielmi doŭha chadziŭ pa kruzie.
Akazałasia, što hety dziadźka žyvie ŭ Jačavie na susiedniaj vulicy. Jamu prykładna 60 hadoŭ, i jon daŭno straciŭ zrok. Da taho ž u hety viečar byŭ pjanym i mocna zamierz. Jon nie moh zrazumieła raspavieści, jak trapiŭ u kanavu. Skazaŭ tolki, što išoŭ dadomu. Mužčynu adviali dadomu.
