Daktary prapanujuć abmiežavać miescy dla katańnia na ciubinhach
Bolš za 100 niepaŭnaletnich źviarnulisia za zimu ŭ RNPC nieŭrałohii i niejrachirurhii z traŭmami paśla katańnia na ciubinhach, paviedamiŭ kiraŭnik Respublikanskaha centra dziciačaj niejrachirurhii kandydat miedycynskich navuk Michaił Tałabajeŭ siońnia ŭ pres-centry BiełTA.
«Usiaho za śniežań i hetyja dni studzienia było špitalizavana 35 dziaciej z «ciubinhavaj» traŭmaj, troje ź ich ź ciažkaj traŭmaj. Dvuch ź ich apieravali, adnaho navat dvojčy», — skazaŭ Michaił Tałabajeŭ. Pavodle jaho słoŭ, adzin pacyjent zastajecca ŭ reanimacyi.
Kiraŭnik centra adznačyŭ, što ciubinhavaja traŭma niepradkazalnaja. Chtości, atrymaŭšy ciažkuju traŭmu, vypišacca ź miedustanovy praz paru dzion, a chtości paśla anałahičnaj traŭmy budzie lačycca vielmi doŭha i zastaniecca invalidam.
Miedyki źviartajuć uvahu, što nastupstvy niekatorych traŭmaŭ mohuć vyjavicca nie adrazu. Lekary ličać, što nieabchodna abmiežavać miescy dla katańnia na ciubinhach. U žyłych zonach horki možna pasypać piaskom.
