Tramp vystupiŭ sa zvarotam da nacyi pra kryzis na miažy
Fox News
Prezident ZŠA Donald Tramp vystupiŭ z telezvarotam da nacyi na fonie palityčnaha kryzisu, jaki ŭźnik z-za niežadańnia jaho palityčnych praciŭnikaŭ-demakrataŭ uchvalić finansavańnie budaŭnictva ściany na miažy ź Mieksikaj, piša RBK.
Situacyju na miažy Tramp acharaktaryzavaŭ jak humanitarny kryzis i kryzis u halinie biaśpieki.
U pačatku svajoj pramovy Tramp sprabavaŭ pierakanać amierykancaŭ u svajoj racyi z dapamohaj ličbaŭ. Jon pryvioŭ dadzienyja pa nielehalnaj mihracyi, pa kolkaści zabojstvaŭ z udziełam nielehałaŭ, pa abjomach narkotykaŭ, jakija niezakonna pierapraŭlajucca praz adkrytuju miažu. Za apošnija dva hady, zajaviŭ jon, było aryštavana 266 tys. inšaziemcaŭ z kryminalnym minułym, u tym liku 100 tys., što ŭčynili napady, 30 tys. ź ich ździejśnili seksualnyja złačynstvy, a 4 tys - zabojstvy. «Na praciahu mnohich hadoŭ tysiačy amierykancaŭ byli žorstka zabityja tymi, chto niezakonna zajechaŭ u našu krainu, i jašče tysiačy žyćciaŭ buduć stračanyja, kali my nie budziem dziejničać prosta ciapier», - zapeŭniŭ Tramp.
Tramp taksama pryhadaŭ słovy lidara demakrataŭ u nižniaj pałacie kanhresa Nensi Pełasi, jakaja nazvała ścianu «amaralnaj». Tramp nie nazvaŭ jaje imia, adnak spytaŭ, čamu ž bahatyja palityki budujuć ścieny i płaty vakoł ułasnych damoŭ. «Jany budujuć ścieny nie tamu, što nienavidziać ludziej zvonku, ale tamu što lubiać tych, chto ŭnutry», - zapeŭniŭ Tramp.
Adzinaj amaralnym źjavaj Tramp nazvaŭ palitykaŭ, jakija ničoha nie robiać, kab vyratavać žyćci ludziej. Prezident nahadaŭ pra achviaraŭ nielehalnych emihrantaŭ apošnich dzion: zabitaha palicejskaha, zhvałtavanaj i zabitaj žančynie-vieteranie ŭ Kalifornii i inšych vypadkach.
Pramova Trampa była niepadobnaja na mnohija jaho vystupy ŭ minułym. Jon źviarnuŭsia da amierykancaŭ u spakojnym, nieahresiŭnym tonie, z vykazvańniem spahady, razumieńnia i škadavańnia.
