Zaŭtra-pazaŭtra mocnyja marazy: da —14 udzień, —17 unačy. Zrabicie pieraściarohi

Najmacniejšyja marazy hetaj zimy prahnazujuć sinoptyki zaŭtra i pazaŭtra.

U Minsku i centry tempieratura maje apuścicca da minus 14 udzień u sieradu, da minus 17 unačy ź sierady na čaćvier. 

U Bieraści, Horadni, na paŭdniovym zachadzie i zachadzie da minus 14—16 schaładaje ŭ čaćvier, a ŭnačy z čaćviarha na piatnicu — až da minus 20.

U Homieli i na paŭdniovym uschodzie da minus 15 siońnia i zaŭtra ŭnačy.

U Viciebsku, Mahilovie da minus 13—15 unačy ź sierady na čaćvier.

Prymicie pieraściarohi pry znachodžańni na dvare. Uličycie, što transpart moža nie zavodzicca ŭ takija marazy. Abmiažujcie špacyr dziaciej. Praviercie sistemy aciapleńnia pryvatnych damoŭ. I nie chvarejcie: nastupnaje paciapleńnie moža vyklikać chvalu hrypu.

0

0

0

0

0

0