Karol Małajzii Muchamad V adroksia ad trona
Pra pryčyny takoha rašeńnia nie paviedamlajecca, pieradaje TASS.
Viarchoŭny praviciel (karol) Małajzii Muchamad V adroksia ad trona, paviedamlajecca ŭ raspaŭsiudžanaj u niadzielu zajavie karaleŭskaha pałaca.
Jon taksama padziakavaŭ členam Rady pravicielaŭ (spadčynnych sułtanaŭ), jakija raniej abrali jaho karalom.
Pryčyny jaho adračeńnia nie raskryvajucca. Jon byŭ abrany karalom u krasaviku 2016 hoda na piać hadoŭ na tajemnym hałasavańni dzieviaćciu členami Rady pravicielaŭ (spadčynnych sułtanaŭ).
Muchamad V, sułtan štata Kiełantan, atrymaŭ dypłamatyčnuju adukacyju ŭ Vialikabrytanii. Viadoma, što siarod jaho chobi — ekstremalnyja vidy sportu, a taksama zabiehi pa pierasiečanaj miascovaści na vynoślivaść i spartyŭnaja stralba.
Raniej u ŚMI paviedamlałasia, što 49-hadovy Muchamad V u listapadzie zhulaŭ u Maskvie viasielle z «Mis Maskva — 2015» 25-hadovaj Aksanaj Vajavodzinaj. Adnak aficyjnaha paćvierdžańnia z boku małajzijskaj pałaca nie pastupała.
U sučasnaj Małajzii, jakaja stała kanstytucyjnaj manarchijaj ŭ 1957 hodzie, karol vykonvaje cyrymanijalnyja funkcyi i źjaŭlajecca viarchoŭnym hałoŭnakamandujučym uzbrojenymi siłami. Dla pryniaćcia zakonaŭ abo pryznačeńnia luboha ministra patrabujecca jaho zhoda, jakuju manarch daje «paśla parady parłamienta i ŭrada».